Nagpahimangno ang International Monetary Fund (IMF) nga posibleng mosamot ang hulga sa cyberattacks tungod sa paspas nga pag-uswag sa artificial intelligence (AI). Sumala sa IMF, gigamit na sa pipila ka cybercriminals ang AI aron mas mapaspas ug mapalalom ang ilang mga hacking operation.
Matod pa sa IMF, dakong peligro niini ang mahimong epekto sa financial systems, ilabi na sa mga bangko ug online financial services. Gipasabot sa organisasyon nga ang AI-powered hacking tools makahimo og mas komplikado nga cyberattacks nga lisod mamatikdan ug mapugngan.
Tungod niini, giawhag sa IMF ang mga gobyerno ug financial institutions nga palig-onon ang cybersecurity ug kooperasyon batok sa nagkadaghang hulga sa cybercrime.
Photo Courtesy: Business Report
