Kasamtangan nang ginaayo ang nahugmak nga flood control project sa Barangay Bantac, Magpet, Cotabato, human kining gikatahong naguba tungod sa kakusog sa bul-og sa tubig.
Sumala pa ni Kapitan Jovy Unabia, human matod pa nga nahibal-an sa kontraktor ang sitwasyon sa ilang proyekto dali nila kining giaksyonan. Dugang pa, aduna na usab rekomendasyon ang DPWH aron mas mapalig-on pa ang ang maong proyekto.
Usa sa mga gi-rekomenda matod pa, mao ang pagpalapad sa sapa tungod matod pa sa gamay ug siko nga agianan sa tubig hinungdan nga didto gayod mohapak ang kusog nga bul-og sa naasoy nga proyekto.
Subay niini, gipaniguro usab sa kontraktor nga humanon ang maong pag-repair sa proyekto sulod sat ulo hangtod sa upat ka bulan.
