Nag-viral online ang panaglalis sa social media sa aktres ug businesswoman nga si Dani Barretto ug sa komedyante nga si Dennis Padilla may kalabutan sa nahimong guest appearance ni Dani sa podcast nga “Almost Honest” ni Kylie Verzosa.
Sa maong podcast, gihisgutan ni Dani ang iyang mga kasinatian sa bata pa siya, lakip na ang giingong sininggitay ug tensyon sa ilang balay kaniadto, bisan pa man wala niya nganli kung kinsa ang iyang gipasabot niini.
Human gi-post ang clip sa interview sa social media, murag naigo si Dennis Padilla ug miingon nga gusto niyang “tubagon point by point” ang mga pamahayag ni Dani.
“Dani… Abangan mo sagot ko… Point by point… Mula nung nasa tyan ka pa ng nanay mo… I felt abused… I felt liberated nung nakawala ako sa relationship na sinasabi mo. Huwag masyadong mayabang. Wala kang alam… Half lang alam mo. [angry face emojis],” post ni Dennis.
Gidelete na ang duha ka komento ni Dennis, apan paspas kini nga na-screenshot sa pipila ka netizens ug gipakaylap sa social media.
Matod pa ni Dani, murag nalimot si Dennis nga nagkauban sila og puyo kaniadto sa usa ka balay.
Klaro matud pa sa iyang panumduman nga makamata na lang sila kada buntag tungod sa giingong siyagit ni Dennis. Kung dili ang iyang inahan ang singgitan niini, ang ilang mga katabang sa balay.
Buwelta pa ni Dani: “@dennisastig i think you’re forgetting we all lived in the same house. That we woke up to your screams almost every morning. Kung hindi si mom sinisigawan mo, one of the helpers.” “Enough is enough,” dugang pa ni Dani.
Dugang pa niya, adunay mga higayon nga manawag si Dennis sa iyang mga anak sa dili saktong oras ug moresulta pa kini sa grabe nga lalis.
Nagkadaiya ang reaksyon sa mga netizens sa maong panagbayloay og pamahayag sa duha, samtang nabalita usab nga gidelete na ni Dani ang iyang komento.
Sa karon, wala pa’y opisyal nga tubag si Dennis Padilla sa mga bag-ong pamahayag ni Dani.
Photo courtesy: Pep.ph
