Gibarugan si US President Donald Trump nga nagpabilin gihapon ang ceasefire tali sa Estados Unidos ug Iran bisan adunay nahitabong binayloay og missile sa Strait of Hormuz.
Gipasanginlan sa top military sa Iran ang U.S. nga mitarget sa ilang Iranian oil tanker ug pipila ka mga barko nga nagkaduol sa Strait of Hormuz.
Gawas niini, giingon usab nga naglunsad ang Estados Unidos og aerial attacks sa pipila ka coastal areas sa maong lugar.
Depensa sa U.S., mibalos lamang sila human atakiha ang ilang Navy guided-missile destroyers sa Strait. Gipanghinambog usab ni Trump nga daghang kadaot ang ilang nahatag sa operasyon ug gisiguro niyang nagpabilin gihapon ang ceasefire deal tali sa duha ka nasud.
Photo courtesy: Anna Moneymaker/Getty Images
