Nakabsan sa kinabuhi ang usa ka miyembro sa Barangay Public Safety Office (BPSO) samtang kapin napulo pa ang nasamdan human naaksidente ang ilang gisakyan nga Mazda Titan double Cab sa Kulaaman Bridge, Sayre Highway Zone 1, Barangay Maluko, Manolo Fortich pasado alas 1:20 sa kagahapon Mayo 8, 2026.
Sa ekslusibong pakighinabi sa Juander Radyo Malaybalay ngadto kang PLTCol Rogie C. Ortencio hepe sa Manolo Fortich Municipal Police Station nga gikan sa tulo ka adlaw nga water rescue seminar sa Talisayan ang grupo ug pauli na unta paingon sa Malaybalay City sa dihang nahitabo ang aksidente.
Base sa inisyal nga imbestigasyon sa kapolisan, nawad-an og kontrol ang drayber sa sakyanan human gituohang mapalyar ang brake niini. Mitabok ang sakyanan ngadto sa pikas lane ug nabanggaan ang usa ka nakaparadang Honda XRM nga motorsiklo ug usa ka bamboo fruit stand sa daplin sa dalan.
Giila ang namatay nga si George Jumamil, 53-anyos ug residente sa Malaybalay City kinsa gideklarang dead on arrival sa attending physician nga si Dr. Stephanie Lachica. Gimanehoan ang bongo ni Febtuban Sawalan Morales sakay ang kapin napulo ka BPSO sa maong aksidenti.
Hinuon walay laing indibidwal ang naangol sa fruit stand ug sa lugar diin nakaparada ang nabanggaan nga motorsiklo. Gipahimutang na sab ang patayng lawas sa biktima alang sa ulahing kapahulayan.
Hinuon walay laing indibidwal ang naangol sa fruit stand ug sa lugar diin nakaparada ang nabanggaan nga motorsiklo. Gipahimutang na sab ang patayng lawas sa biktima alang sa ulahing kapahulayan.
Photo Courtesy: Manolo Fortich Municipal Police Station
