Upat ka mga indibidwal ang naangol human sa nahitabong disgrasya sa kadalanan nga naglambigit sa usa ka pick up truck ug motorsiklo sa mat Purok 2, Bag-ong Kahayag, Lakewood, Zamboanga del Sur, mga 1:45 sa kadlawon, Mayo 7, 2026.
Base sa imbestigasyon, ang pickup truck nga Nissan NP300 Navara ug ang motorsiklo susamang nagpadulong gikan Bayog paingon sa Lakewood sa dihang misignal og liko sa wala ang 47-anyos nga driver sa pickup, apan ang motorsiklo nga giingong kusog og dagan mibangga sa wala nga bahin sa pickup truck.
Naangol ang 16-anyos nga driver sa motorsiklo ug ang iyang tulo ka backriders ug dali nga gidala sa mga responder sa Lakewood MDRRMO ngadto sa Lakewood Rural Health Unit ug dayon gi-transfer sa Pagadian City alang sa tukmang pagpatambal, samtang wala ra maunsa ang driver sa pickup truck.
Samtang, parehong nadaot ang duha ka sakyanan ug gidala sa Lakewood Municipal Police Station alang sa tukmang lakang.
Photo Courtesy: ZSPPO-PRO-9
