Gikonsiderar karon sa Department of Agriculture o DA ang pagpatuman og price cap o limitasyon sa presyo sa liempo ug carrots aron makontrol ang padayon nga pagsaka sa presyo sa pagkaon.
Sa gihimong inspeksyon sa Project 4 Public Market sa Quezon City, nasayran sa DA nga ang presyo sa liempo karon nagkantidad na og P400 hangtod P420 kada kilo, samtang sa ubang merkado miabot pa og P450 kada kilo.
Tungod niini, plano sa DA nga himuong P380 kada kilo ang maximum nga presyo sa liempo ug P100 kada kilo alang sa carrots aron makunhuran ang gasto sa mga konsumante.
Samtang, giingon sa mga retailer nga lisod nila sundon ang ipatuman nga price cap kon mahal gihapon ang ilang pagpamalit gikan sa mga suppliers.
Apan sumala sa Samahang Industriya ng Agrikultura o SINAG, posible ra nga maabot ang P380 nga presyo sa liempo tungod kay ubos karon ang farm gate price sa mga buhing baboy.
Photo Courtesy: wikipedia
