Gikumpirma sa Philippine Health Insurance Corporation (PhilHealth) nga gibalik na sa National Treasury ang ₱60 bilyon nga pondo ngadto sa ahensya. Sumala sa PhilHealth, ang maong kantidad gamiton aron mapalapad ug mapaayo pa ang serbisyo sa healthcare alang sa ilang mga miyembro.
Giila usab sa ahensya ang Department of Finance tungod sa pagpasayon sa pagbalik sa pondo. Matod pa sa PhilHealth, ang gibalik nga pondo igahin alang sa pagpaayo sa mga benepisyo, pagpalig-on sa internal systems, ug pagpaspas sa serbisyo aron mas daghang Pilipino ang makadawat og maayong healthcare services.
Samtang, nagpasalamat usab ang PhilHealth sa direktiba sa Presidente nga gamiton ang pondo alang sa kaayohan sa publiko ug aron mapalambo pa ang serbisyo sa panglawas sa nasud.
Photo Courtesy: Inquirer.net
