Nakaabot na sa Madrid, Spain ang Cebuano basketball standout nga si Henry Kristoffer Suico alang sa usa ka elite basketball training camp nga kaniadto gitambongan usab sa NBA star nga si Luka Dončić.
Sulod sa duha ka semana, mag-ensayo si Suico ubos sa bantugang Spanish coach nga si Luis Guil, assistant coach sa Real Madrid Baloncesto, uban pa sa mga coaches gikan sa Zentro Basketball.
Sa maong training camp nahulma ang mga world-class players sama nila Pau Gasol ug Marc Gasol, ingon man uban pang mga sikat nga Spanish basketball players.
Matud pa ni Suico, dako niyang oportunidad ang pag-ensayo ubos sa Spain national team ug EuroLeague coaches nga ang maong kahigayunan nakuha pinaagi sa rekomendasyon ni Coach Leo Casinillo sa Bayanihan Elite Basketball Program sa United Kingdom.
Si Suico nahimong usa sa top players sa CESAFI Season 25 high school tournament isip miyembro sa Sacred Heart School–Ateneo de Cebu Magis Eagles, ug karon nakakommit na sa UST Growling Tigers alang sa iyang collegiate career.
Photo Courtesy: HENRY SUICO
