Gipatin-aw sa mga eksperto nga adunay kamatuoran ang panultihong “laughter is the best medicine,” tungod sa daghang benepisyo sa panglawas nga madala sa pagkatawa.
Sumala sa Cleveland Clinic, ang pagkatawa makatabang sa pagpa-aktibo sa parasympathetic nervous system, nga responsable sa “rest and digest” nga reaksyon sa lawas.
Pinaagi niini, hinay ang pitik sa kasingkasing, moluag ang pagginhawa, ug makab-ot ang kahimtang nga relaks ang lawas.
Gipakita usab sa mga pagtuon nga ang pagkatawa makatabang sa pagpakunhod sa stress hormones ug pagpalig-on sa immune system pinaagi sa pagdugang sa infection-fighting antibodies.
Dugang pa, ang pagkatawa dili lamang pisikal nga benepisyo ang mahatag kondili makatabang usab sa pagpagaan sa gibati ug pagpalig-on sa relasyon sa pamilya ug higala, ilabi na kung kini ginabahin sa uban.
Busa, giila sa mga eksperto nga ang yano nga pagkatawa usa ka epektibong paagi aron mapalambo ang kahimsog sa lawas ug hunahuna, ilabi na sa panahon nga daghan ang giatubang nga stress sa adlaw-adlaw nga kinabuhi.
Photo Courtesy: The Guardian
