Dakpan sa mga operatiba ang duha ka indibidwal nga nalambigit sa ilegal nga droga atol sa gilusad nga buy-bust operation sa Dapa Municipal Police Station sa Purok 7, Barangay 12, Poblacion, Dapa Siargao Island, Surigao del Norte, mga alas 11:50 sa gabii.
Giila sa kapulisan ang mga nadakpan pinaagi sa alyas nga “Roque,” 30-anyos ug si alyas “Datong,” 24-anyos, parehong residente sa Barangay 12, Poblacion, Dapa.
Base sa report, narekober gikan sa ilang posesyon ang lima ka pakete sa gituohang shabu nga adunay gibana-banang timbang nga 0.8245 gramos nga kantidad og P5,600.
Lakip usab nga nakuha ang buy-bust money, lighter, cellphone nga posibleng gigamit sa ilegal nga transaksyon.
Sa pagkakaron, anaa na sa kustodiya sa Dapa Municipal Police Station ang duha ka suspek uban sa mga nakumpiskang ebidensya alang sa hustong disposisyon ug pagsang-at sa tukmang kaso batok kanila.
Photo Courtesy: Getty images
