Nagpadayon ang imbestigasyon sa kapolisan sa Opol kon adunay sindikato nga nagpaluyo sa ilegal nga pagmina sa maong lungsod.
Kini human madakpan ang duha ka uniformed personnel sa Philippine National Police gikan sa Davao nga sakay sa sakyanan nga adunay kargang mineral ores.
Sumala ni pa ni PMAJ. Antonio Luy Jr., wala pa sila’y namonitor nga sindikato nga nag-operate sa lugar, apan padayon ang ilang pagmonitor ug pag-imbestiga sa maong kalihokan.
Gipasiugda sa kapolisan nga seryoso nilang tan-awon ang kaso aron masuta ang posibleng mga responsable ug mapugngan ang ilegal nga pagmina sa lugar.
