Calaboso el un alegao drug personality despues con este confisca milliones valor de alegao shabu na sin descanso operacion contra illegal droga maga personajes del RDEU 9, PDEA-ZCP y otros pa unit del otoridad na Zone 6, barangay ayala en este ciudad, enantes aga Abril 30,2026
Con el suspechao ya identifica como si Nadzmer Jaji y Tulawie alyas “KAKAH” 29-anyos hombre y temporariamiente ta esta na mencionao barangay y nativo de jolo provincia de sulu.
Na mencionao operacion ya puede confisca con el suspechao valor Php13,600,000.00 de alegao shabu inclujido el buy-bust money.
Mientrastanto el maga alegao shabu ya lleva na RFU 9 para el quantitative y qualitative examinacion meintras el suspechao himas na frio rehas y esperansao hay emfrenta el caso bajo na acto Republica 9165 o mas conocido como the Comprehensive Dangerous Drug Act of 2002.
