Giklaro sa Department of Energy (DOE) nga walay natala nga power interruption sa mga off-grid areas sa nasud bisan pa sa kakulang sa supply sa lana.
Sumala ni Energy Secretary Sharon Garin, base sa ilang direktiba ngadto sa Philippine National Oil Company (PNOC), prayoridad ang mga off-grid areas sa pag-apod-apod sa diesel supply aron masiguro ang padayon nga suplay sa kuryente sa maong mga lugar.
Gipasiugda usab ni Garin nga walay angay ikabalaka ang publiko bahin sa posibleng rotational brownout sa maong mga lugar tungod kay gihimo na sa gobyerno ang mga lakang aron malikayan kini.
Dugang pa niya, adunay pagsalig ang DOE sa kasamtangang diesel buffer stock sa nasud nga igo sa 54 ka adlaw aron masuportahan ang panginahanglan sa suplay sa kuryente.
Photo courtesy: Facts.net
