Pormal nang giaprobahan sa Sangguniang Bayan sa Barobo ang Resolution No. 125, Series of 2026, nga nagtugot sa temporaryo nga pag-adjust sa pletehan sa pampublikong transportasyon sa tibuok munisipyo.
Kini nga lakang gihimo sa lokal nga Panggamhanan agi’g tubag sa nagpadayon nga krisis sa gasolina sa tibuok kalibutan nga dako og epekto sa panginabuhian sa mga drayber ug operators.
Sumala sa maong resolusyon, Ang mga transport operator ug drayber lamang nga adunay balido nga Motorized Tricycle Operator’s Permit (MTOP) gikan sa Business Permits and Licensing Office (BPLO) ang gitugotan nga mokolekta sa bag-ong adjusted fare rates.
Ang maong desisyon tumong nga mabalanse ang panginahanglan sa mga drayber nga makasustiner sa ilang operasyon ug ang kapasidad sa mga sumasakay taliwala sa pagsaka sa presyo sa lana.
Photo Courtesy: wikipedia
