Natuman ang usa sa mga pangandoy ni BINI member nga si Jhoanna Robles human siya nakasulay isip weather forecaster sa U.S. morning show nga Good Day LA.
Nahitabo kini human sa malampuson nga performance sa BINI sa Coachella, diin giimbitar ang grupo sa maong programa sa Los Angeles.
Atol sa ilang guesting, gihisgotan sa grupo ang ilang padayon nga pag-angat sa international music scene. Sa usa ka espesyal nga bahin sa show, giimbitar si Jhoanna ni host Maria Quiban Whitesell nga mosulay og weather report, usa ka personal nga damgo nga dugay na niyang gihandom.
Ang maong higayon giila nga usa ka dili malimtan nga milestone alang sa young artist, nga nagpakita dili lang sa iyang talento sa musika kondili usab sa iyang kaabtik ug confidence sa live broadcast.
