Patay ang duha (2) ka babaye human nasunog ang usa (1) ka apartment building ug usa ka single-family dwelling sa may alas 2 kapin kaganinang kadlawon Nobyembre 5, 2026 sa Purok 5, Barangay Pala-o, Iligan City.
Giila ang mga suspek nga sila Fatima Ramla Monteron, 26 anyos ug si Cyzra Jean Nasin, 20 anyos, nga parehong nangabang sa maong apartment.
Subay sa report sa Bureau of Fire Protection (BFP), nadawat nila ang unang alarma sa sunog alas 3:07 sa kaadlawon, ikaduhang alarma natala alas 3:22 sa kaadlawon, ug ang ikatulong alarma alas 3:24 sa kaadlawon. Gideklara nga under control ang sunog sa may alas 5:07 sa buntag ug fire out alas 5:25 sa buntag.
Nasayran nga ang mga apektadong estruktura gilangkuban sa usa (1) ka walo (ka pultahang apartment building ug usa (1) ka balay nga pangpamilya. Gibanabana nga pito (7) ka pamilya ug 28 ka indibidwal ang naapektuhan sa maong insidente ug gibana-banang mokabat sa P900,000 ang natalang damyos.
Mitabang sa pagpalong sa sunog ang nagkadaiyang fire stations ug mga ahensiya pinaagi sa ilang mga fire truck ug water tanker ug nitabang usab ang Iligan City Disaster Risk Reduction and Management Office (ICDRRMO) fire truck, Iligan City Water Works tanker, Rainbird tanker ug Seventh Day Adventist Medical Center tanker.
Sa pagkakaron, padayon nga girekord ug gidokumento ang insidente alang sa dugang nga imbestigasyon sa BFP.
