Nadakpan sa gipahigayong buy-bust operation sa kapulisan ang usa ka hamtong nga lalaki pasado alas 9:40 sa gabii niadtong Nobyembre 4, 2026, sa Purok Caimito, Barangay Sanito, lungsod sa Ipil, Zamboanga Sibugay.
Ang nadakpan giila lamang sa kapulisan pinaagi sa iyang alyas nga NSLI, residente sa Barangay Malinao, lungsod sa Mabuhay. Narekober gikan kaniya ang unom ka gagmayng pakete nga adunay puti nga kristal nga substansiya nga gituohang shabu, nga adunay gibana-banang gibug-aton nga usa ka gramo ug standard drug price nga mokabat sa unom ka libo ug walo ka gatos pesos. Narekober usab ang marked money, boodle money ug usa ka itom nga pitaka.
Gipahigayon ang pagmarka ug imbentaryo sa mga nakumpiskang ebidensiya atubangan sa mga opisyal sa Barangay Sanito ug usa ka representante sa media. Gidala ang suspetsado sa Ipil Municipal Police Station alang sa hustong disposisyon, samtang ang mga nakumpiskang droga ipadala sa Zamboanga Sibugay Forensic Unit alang sa eksaminasyon.
