Gipahigayon sa Surigao del Norte Police Provincial Office (SDNPPO) ang send-off ceremony isip pagpangandam alang sa seguridad sa Palarong Pambansa 2026.
Pormal nga gilusad ang maong kalihokan sa pagpangulo ni PLTCOL Apollo B. Abao, Deputy Provincial Director for Administration.
Si PLTCOL Zaldy A. Cagampang, Deputy Provincial Director for Operations, maoy mipahayag sa welcome remarks samtang nagpakita usab og lig-on nga suporta ang mga provincial staff sa maong misyon.
Ubos sa liderato ni PCOL Warren E. Dablo, Provincial Director, mikumpirma ang Provincial Operations Management Unit (POMU) nga adunay 110 ka mga pulis ang ipadala, uban sa lima ka patrol vehicles ug 15 ka motorsiklo.
Ang maong pwersa magbantay gikan Mayo 24 hangtod Mayo 31, 2026. Usa sa mga highlight sa programa mao ang pagbendisyon sa mga personnel nga gipangulohan ni Pastor Lionel L. Mijares sa Light of the World Community Church.
Sa iyang mensahe, gipahayag ni PLTCOL Abao ang mga personnel nga magserbisyo uban sa integridad, ug pagbantay sa seguridad aron masiguro ang kaluwasan sa tanang partisipante ug bisita.
