Napugos sa pag-takeoff ang Swiss International Air Lines gikan sa Delhi padulong sa Zurich sayo sa buntag kagahapong adlawa human nakasinati og problema sa makina. Sumala sa airline, upat ka pasahero ug usa ka crew member ang nasamdan sa insidente.
Base sa inisyal nga report sa mga awtoridad, usa sa mga makina sa eroplano ang kalit nidilaab samtang anaa kini sa runway, hinungdan nga gikansela ang paglupad ug gihimo ang emergency evacuation.
Adunay 228 ka pasahero ang sakay, lakip ang upat ka masuso, ug 13 ka crew members ang eroplano nga Airbus A330.
Sa laing bahin, nagdeklara og emergency ang Indira Gandhi International Airport human sa insidente, apan sa ulahi naibalik ra gihapon sa normal ang operasyon sa runway.
Gidala sab sa tambalanan ang mga nasamdan nga pasahero samtang ang crew member nakasinati og sprained ankle.
Samtang nagsugod na og imbestigasyon ang Swiss International Air Lines pinaagi sa usa ka task force aron masuta ang hinungdan sa problema sa makina.
Photo credits: Curlytales
