Nakahimo og talagsaong eksperimento ang usa ka performance artist sa Australia human siya nagpataod og ikatulong dalunggan sa iyang bukton isip kabahin sa usa ka dugayng proyekto sa bioart.
Ang artist nga si Stelarc nagtrabaho sulod sa kapin usa ka dekada uban sa tulo ka plastic surgeons aron matuman ang iyang proyektong gitawag og “Ear on Arm.” Sa proseso, gigamit ang saline solution ug silicon implant aron maporma ang dalunggan sa iyang braso pinaagi sa pag-ukit sa panit.
Sumala sa mga taho, dili lang dekorasyon ang maong dalunggan kay gibutangan kini og gamay nga mikropono aron makadawat og tingog. Apan, kini temporaryong gitangtang tungod sa impeksiyon.
Bisan pa niini, plano ni Stelarc nga ibalik ang mikropono ug ikonektar kini sa internet aron mahimong “remote listening device,” diin ang ubang tawo mahimong makadungog sa real-time nga mga tingog nga masagap sa iyang dalunggan sa bukton.
Dugang pa, giingon usab sa artist nga plano niyang i-integrate kini sa Bluetooth system aron magamit sa komunikasyon, lakip na ang pagdungog og tawag pinaagi sa iyang lawas.
Ang maong proyekto giisip nga usa ka panagsagol sa arte ug teknolohiya, apan nagpabilin nga talagsaon ug kontrobersyal sa pipila ka sektor
Photo Courtesy: Oddity Central
