Nakatakdang makadawat ang Pilipinas og 21,000 metriko tonelada sa liquefied petroleum gas (LPG) nga gipalit gikan sa Estados Unidos karong bulan sa Mayo 2026.
Kabahin kini sa mga paningkamot sa gobyerno aron maseguro ang lig-on ug kasaligan nga suplay sa lana taliwala sa krisis sa Middle East, diin ang krudo giproseso aron makamugna og LPG ug lain-laing mga gasolina.
Sa usa ka pamahayag niadtong Sabado, Abril 25, ang Department of Energy (DOE) mipahibalo nga kini gipaabot nga i-deliver sa nasud gikan sa Mayo 20 ngadto sa 31 ug ihatod sa Batangas.
Matod niya nga ang umaabot nga kargamento gilauman nga makapalig-on sa imbentaryo sa LPG sa nasud ug makapalig-on sa mga buffer sa suplay alang sa mga panimalay ug negosyo.
Matod sa Energy Department, hugot nga nakig-alayon kini sa gobyerno ug mga stakeholders sa industriya aron maseguro ang seguridad sa enerhiya, mamentinar ang stable nga suplay ug mapanalipdan ang kaayohan sa mga Pilipino nga nagsalig sa LPG sa ilang inadlaw nga panginahanglan.
Photo Courtesy:Department of Energy
