Misaka og 5.1% sa 2025 ang ekonomiya sa Davao Region. Human napahigayon ang Philippine Statistics Authority Region XI ang usa ka news conference sa Davao City isip kabahin sa nationwide simultaneous release sa 2025 Regional Accounts of the Philippines (RAP).
Gipahigayon ang nasangpit nga kalihokan aron ipresentar ang pinakabag-ong datos sa ekonomiya sa Davao Region, uban ang partisipasyon sa PSA ug sa regional development planners.
Sumala sa gipresentar nga datos, mitubo ang ekonomiya sa Davao Region og 5.1% sa 2025, nga mas taas kaysa national average nga 4.4%. Ang total nga kantidad sa ekonomiya (Gross Regional Domestic Product o GRDP) miabot sa ₱1.14 trillion, nga nagpakita og padayon nga pag-uswag gikan sa miaging tuig.
Ang performance nagbutang sa rehiyon isip usa sa mas paspas nga nagtubo nga ekonomiya sa nasud. Gipasiugda sa PSA nga ang services sector mao ang nag-unang giya sa pagtubo, nga mitampo og 62.1% sa GRDP ug nagtala og 6.9% nga growth.
Gisundan kini sa industriya (24.7%) ug agrikultura, forestry ug fishing (13.2%).
Photo Courtesy:gmanetwork
