Padayon nga gipakusgan sa Department of Trade and Industry (DTI) ang ilang paningkamot aron mapabilin nga stable ang presyo sa batakang panginahanglan ug prime commodities.
Gihimo kini pinaagi sa hugot nga koordinasyon tali sa gobyerno, mga manufacturer, ug retailers aron maprotektahan ang interes sa konsyumer ug mga negosyo.
Sa usa ka interbyu, gipasiugda ni DTI Secretary Cristina A. Roque ang padayon nga suporta sa gobyerno alang sa mga negosyo ug industriya.
Iyang gihisgutan ang mga dali ma-access nga loan programs pinaagi sa Small Business Corporation aron matabangan ang mga negosyante sa ilang kapital ug operasyon.
Gipunting usab sa diskusyon ang mga oportunidad sa agrikultura ug Halal products, ingon man ang importansya sa trademark protection pinaagi sa Intellectual Property Office of the Philippines.
Sumala sa DTI, kini nga mga lakang makatabang sa mga negosyo nga motubo, makigkompetensya sa merkado, ug mapanalipdan ang ilang brand.
Photo Courtesy :BusinessWorld
