Gipahibalo sa Department of Migrant Workers (DMW) nga mikabat na sa 7,674 ka overseas Filipino workers (OFWs) ug ilang mga dependents ang nakapauli na sa Pilipinas sukad misugod ang krisis sa Middle East hapit duha ka bulan na ang milabay.
Sa maong numero, 7,051 ang napapauli pinaagi sa pondo sa gobyerno, lakip ang 5,669 ka OFWs ug 1,382 ka dependents.
Sumala sa gobyerno ubos sa administrasyon ni presidente Ferdinand R. Marcos Jr., padayon nga palig-onon ang mga programa sa repatriation ug reintegration aron masiguro ang kaluwasan sa mga OFW ug matabangan sila sa ilang pagbalik ug pagsugod pag-usab sa nasud.
Gipasalig usab sa DMW nga magpadayon ang ilang tabang sa mga Pilipinong gustong mouli gikan sa apektadong mga nasud.
Ang krisis misugod niadtong Pebrero 28 human sa hiniusang operasyong militar sa Israel ug United States batok sa Iran, ug misangpot kini sa paglapad sa tensyon sa ubang bahin sa Gulf.
Samtang nagpadayon ang panagbangi, nag-andam ang DMW sa dugang lakang sama sa pagbutang og meeting ug exit points aron mas mapadali ang repatriation sa mga Pilipino.
PHOTO COURTESY : ABANTE
