Napildi sa iyang kampanya sa Madrid Open ang Filipina tennis star nga si Alex Eala human siya na lupig sa Belgian nga si Elise Mertens sa straight sets sa ilang Round 2 nga duwa sa Court 5.
Bisan og nindot ang pagsugod ni Eala sa unang set, nakakuha pa siya og sayo nga abante, apan dali ra kini nabawi ni Mertens nga nagpakita og kusog nga depensa ug mas lig-on nga experience sa clay court.
Sa unang set, nakakuha si Mertens og 6-2 nga iskor human sa 32 minutos nga duwa. Sa ikaduhang set, nagpadayon ang iyang dominasyon ug dali niyang nakuha ang 3-0 nga bentahe.
Bisan pa sa pagpaningkamot ni Eala nga makabalik sa duwa, nagpabilin nga lig-on si Mertens hangtod nakuha niya ang 6-1 nga ikaduhang set aron makompleto ang iyang straight-sets nga kadaugan.
Kini ang ikaduhang higayon nga nag-atubang ang duha ka players sa WTA Tour, human usab mapildi ni Mertens si Eala sa ilang unang engkwentro sa Monastir WTA Tournament niadtong 2023.
Photo Courtesy:Rappler
