Kaguol ang gibati sa tibuok Brgy. Blingkong Lutayan Sultan Kudarat, human napalgan nga wala nay kinabuhi nga nagbitay sa usa ka kahoy ang usa ka batan-ong lalaki niadtong Abril 10, 2026.
Giila ang biktima nga si “Alyas John,” residente sa nasampit nga lugar. Ang maong hitabo nakapakurat sa iyang pamilya ug mga higala tungod kay nailhan ang biktima nga hilabihan ka “hingatawa” ug maoy kanunay nga nagahatag og kadasig ug kasadya sa iyang palibot.
Sumala sa inisyal nga report, wala’y nasayran ang pamilya o ang iyang mga suod nga kaila nga duna kini giatubang nga bug-at nga problema, hinungdan nga mas sakit ug lisod dawaton ang nahitabo.
Sa pagkakaron, padayon pa ang imbestigasyon sa mga otoridad aron masuta ang tinuod nga sirkumstansya sa insidente. Kini nga trahedya nagsilbing pahinumdom sa tanan sa kamahinungdanon sa pagtagad sa mental health ug ang pagpakabana sa kaayohan sa matag usa.
Photo Courtesy: Sultan Kudarat MPS
