Napanalipdan ni Pedro Taduran ang iyang IBF mini-flyweight belt human niya gipatumba ang challenger nga si Gustavo Perez Alvarez sa ikapito nga round. Gidominar ni Taduran ang matag round sa away nga gipahigayon sa California.
Iyang naigo ang Mexican boxer og usa ka left straight sa lawas nga hinungdan sa pagkatumba niini. Nahuman ang dula sa nahabiling 1:34 minuto sa ikapito nga round.
Kini nga knockout win ang unang dula sa 29-anyos nga si Taduran. Mismo ang Pinoy boxing icon nga si Manny Pacquiao ang nipresentar sa IBF title belt ngadto sa boxer nga taga-Libon, Albay.
Aduna na’y rekord karon si Taduran nga 20 ka daog, upat ka pildi, ug usa ka draw, lakip na ang 14 ka knockout. Samtang ang 27-anyos nga si Perez adunay 16 ka daog ug duha ka pildi nga adunay usa ka knockout.
Photo courtesy: Pedro Taduran
