Gipahayag ni U.S. President Donald Trump niadtong Sabado nga aduna nalay 48-oras ang Tehran aron makigsabot o moatubang sa “all hell,” samtang ang mga tropa sa Estados Unidos ug Iran nagpahigayon na og pagpangita sa usa ka natumba nga U.S. airman.
Ang hulga ni Trump nagsunod sa usa ka pagbuto duol sa usa ka Iranian nuclear power plant nga hinungdan sa mga pagbakwit, ug mga taho sa pag-atake sa rehiyon, lakip ang usa ka commercial ship sa Bahrain nga gituohang konektado sa Israel ug gitarget sa Iran’s Revolutionary Guards.
Ang gubat nagsugod kapin sa usa ka bulan ang milabay tungod sa US-Israeli strikes sa Iran diin nagpakaylap sa tensyon sa tibuok Middle East, nga nakaapekto sa ekonomiya sa kalibutan, ilabi na sa pagsira sa Strait of Hormuz.
Niadtong Marso 21, unang nanghulga si Trump nga iyang “pulpogón” ang mga power plant sa Iran, sugod sa kinadak-an, kon dili abryhan sa Tehran ang Strait of Hormuz sulod sa 48 oras.
Pipila ka adlaw ang milabay, iyang giingon nga adunay nahitabong “very good and productive conversations” ug gipauswag ang strike sulod sa lima ka adlaw.
Apan karon, giset-up na usab sa Amerika ang deadline nga mahuman sa alas-8:00 sa gabii sa Lunes (Martes sa Pilipinas). Sumala sa mga eksperto, ang pag-atake sa civil energy infrastructure mahimong isipon nga war crime.
Niadtong Biyernes, gireport sa Iran nga ilang napabuto ug natumba ang usa ka F-15 warplane sa U.S., samtang gi-report sa U.S. media nga usa sa duha ka crew members ang naluwas samtang ang usa padayon pa nga nawala.
Samtang, gikataw-an lang ni Mohammad Ghalibaf, speaker sa Iran’s parliament, ang administrasyon ni Trump.
Photo courtesy:AsiaOne
