Gireport sa Department of Justice (DOJ) nga wala nay nag-operate nga Philippine Offshore Gaming Operator (POGO) sa nasud, isip kabahin sa pagpatuman sa total ban niini pati na ang tanang POGO activities.
Sumala ni Justice Secretary Fredderick Vida, tungod sa mas hugot nga crackdown, nasirado na ang 80 porsyento sa mga POGO hubs sulod lang sa usa ka bulan human sa opisyal nga deadline.
Bisan pa man og nihunong na ang opisyal nga operasyon, gipasalig sa DOJ nga magpadayon ang pagpaniid sa mga posibleng ilegal nga POGO activity aron malikayan ang bisan unsang dili awtorisado nga operasyon.
Ang pagsira sa mga POGO hubs kabahin sa polisiya sa gobyerno nga nagtumong sa pagpanalipod sa mga komunidad, pagpakunhod sa transnational ug nontraditional crimes, ug pagtubag sa mga isyu sa seguridad ug ekonomiya nga nalambigit sa industriya sa POGO.
Gipasalig pa ni Vida nga nalimpyohan na ang mga lugar nga kaniadto gihimong tagoanan sa POGO operations, nga nagpasabot nga epektibo na nga natapos ang operasyon niini nationwide.
Gihatagan usab og gibug-aton sa DOJ nga molihok sila batok sa uban pang mga report sa ilegal nga POGO activity, isip pagpalig-on sa zero-tolerance stance sa gobyerno.
Photo courtesy:Philstar.com
