Sobra 8-M ka mga indibidwal ang nagpahigayon og kilos protesta sa lain-laing dapit sa Estados Unidos. Gitawag kini nila isip “No Kings” protest kung diin gikontra nila ang polisiya nga gipatuman ni US President Donald Trump.
Pipila sa mga polisiya mao ang gikalambigitan sa giyera sa Iran, paghugot sa balaod sa immigration ug padayon nga pagsaka sa mga palaliton. Lakip sa mga nisalmot sa maong kilos protesta mao ang mga residente nga gikan sa Los Angeles, Boston, New York, Washington DC, Houston, ug uban pa.
Anaa sab ang taga Minnesota kung diin gihandom ang mga nakalas nga sila si Renee Nicole Good ug Alex Pretti nga gipusil patay sa mga federal immigration agents.
Nahimong hugot ang pamalaod sa pagbantay sa mga awtoridad kung diin pipila ka mga indibidwal ang gidakop sa Los Angeles tungod sa pagsuway og pamisikal sa mga awtoridad. Gipahigayon sab ang samang kilos protesta ngadto sa Paris, London, ug Lisbon, Portugal.
Photo Courtesy: NBC Boston
