Giandam sa Department of Labor and Employment (DOLE) nga Php1.2-B nga pondo alang sa mga programa nga gitagana sa mga vulnerable workers. Ang maong pondo gitagana human sa deklarasyon sa national energy emergency ni Presidente Ferdinand Bongbong Marcos Jr. subay sa tensiyon sa Middle East.
Isip pagpangandam sa Unified Package for Livelihoods, Industry, Food, and Transport (UPLIFT) programa tinguha nila nga sigurohon ang kaayohan sa mga trabahante.
Ang maong budget alang usab sa dakong social protection program sa DOLE sama sa “Tulong Panghanapbuhay sa Ating Disadvantage/Displaced Workers” (TUPAD) program ug DOLE Integrated Livelihood program (DILP).
Dugang pa sa DOLE nga padayon ang koneksyon nila sa Overseas Workers Welfare Administration (OWWA) ug Department of Migrant Workers (DMW) aron tabangan ang mga OFW nga naapektuhan sa kasamtangang kagubot sa Middle East.
