Nagpadayon ang laing pagsaka sa presyo sa lokal nga krudo sa katapusan ning buwan sa Marso, apan makabaton og gamayng kahupayan ang mga motorista tungod kay gamay ra ang gilauman nga pagtaas sa gasolina o posible usab nga walay pag-umento.
Base sa unang upat ka trading sessions karong semanaha, matod pa, nga ang presyo sa diesel matag litro mahimong mosaka og Php11 hangtod Php12. Samtang, ang presyo sa gasolina mahimong magpabiling walay kausaban o posibleng mosaka og Php3 matag litro.
Ang mga kompanya sa lana magpatuman sa price adjustments matag Martes karong adlawa.
Sa laing bahin, gipahibalo sa Department of Energy (DOE) niadtong Huwebes nga nadawat na sa Pilipinas ang unang shipment sa diesel nga giangkat ubos sa Emergency Energy Security Program sa gobyerno.
Ang kargamento naglangkob og inisyal nga 142,000 ka bariles sa fuel. Kining suplay ibaligya ngadto sa lokal nga mga fuel retailers, sumala sa DOE.
Photo Courtesy: Philippine News Agency
