Nipahimangno ang mga opisyal sa kagamhanan nga mahimong mag-atubang ang Pilipinas og kakuwang sa suplay sa liquefied petroleum gas (LPG) nga posibleng makaapekto sa minilyon ka mga panimalay ug negosyo sa nasud.
Matod ni Department of Energy (DOE) Secretary Sharon Garin nga ang kasamtangang reserba sa LPG sa nasud mahimong molungtad sa dili momenus 25 ka adlaw na lang. Dugang niini nga usa kini sa mga labing dakong problema nga giatubang karon sa kagamhanan.
Nunot niini, gitun-an sa kagamhanan ang mga lakang aron makontrol ang konsumo sa LPG diin lakip sa mga option mao ang pakigkoordinar ngadto sa mga restaurant ug establisyemento nga menusan ang paggamit og LPG samtang nagpaabot pa sa bag-ong suplay.
Segon ni Garin nga importante nga enerhiya ang LPG sa Pilipinas tungod mao kini ang nag-una nga gigamit sa pagluto sa daghang mga panimalay ug sa operasyon sa mga food business.
Kung galing magkuwang sa suplay, possible kining maghatod og pagsaka sa presyo, limitado nga suplay sa mga refilling station, ug dugang nga palas-unon sa gastuhan sa matag pamilya.
Sa pagkakaron, padayon ang lakang sa kagamhanan aron makapangita og dugang suplay samtang gihatagan og pagtagad ang hagit sa seguridad sa enerhiya sa nasud.
Photo Courtesy: Metro News Central
