Dakong hagit karon alang kang Israeli Prime Minister Benjamin Netanyahu ang posibleng bag-ong panagtagbo tali sa Estados Unidos ug Iran samtang nagpadayon ang tensiyon sa rehiyon.
Naggikan kini human nga mipamahayag si US President Donald Trump nga abli siya sa bisan unsang klase sa negosasyon sa Iran aron makuhaan ang tensiyon lakip na niini ang pahisgot sa mga limitasyon sa nuclear ug ballistic missile programs sa Iran nga gihimakak sab sa Tehran.
Samtang, nagpabilin sab ang Iran sa ilang posisyon nga nagdemand og mga compensation ug garantiya usa makighinabi sa Amerika.
Matod sab sa mga analyst nga under pressure si Netanyahu nga giila nga nag-unang nagsuporta sa agresibo nga kampanya batok sa Iran.
Kung suwayan ni Trump ang negosasyon nga wala giuyonan ang tumong sa Israel, mahimong daw maglisod si Netanyahu nga ipatuman ang iyang strategy dungan sa pagpabilin sa suporta sa publiko.
Photo Courtesy: Arab News
