Bisan sa sunud-sunod nga oil price hikes sa nakalabayng tulo ka semana, gilauman nga mosaka pa gihapon ngadto sa 20 porsyento ang ihap nga posibleng modagsa sa mga pantalan sa Semana Santa.
Matod ni Philippine Coast Guard (PCG) Rear Admiral Oliver Sy Tanseco nga dugay nang naplano sa kadaghanang mga Pilipino ang ilang pagbiyahe para sa Holy Week.
Dugang pa niya, daghan nang nakapalit og ticket sa wala pa nahitabo ang global crisis gumikan sa tensyon sa Middle East.
Dili lang matod kini sa mga pantalan apan lakip na usab sa uban pang mode of transportation. Gisiguro ni Tanseco nga bantay-sarado sa Department of Transportation (DOTr) ang mga PUV batok sa mga dili awtorisadong taas-pasahe.
Kung may magpahimulos, gidani niya ang publiko nga magsumbong sa Special Action and Intelligence Committee for Transportation (SAICT) aron maaksyunan ug mapapanubag ang mga mosupak.
Photo Courtesy: Philippine News Agency
