Napildi ang Gilas Pilipinas Women Team sa ika-upat nilang sunod-sunod nga dula sa 2026 Fiba Women’s World Cup Qualifying Tournament human sila gilansang sa Team South Korea sa iskor nga 105-74 niadtong Domingo sa Villeurbanne, France.
Naka-una pa unta ang Pilipinas sa iskor nga 17-15 tungod sa 3 points ni Janine Pontejos apan dali ra kini na-apsan sa South Korea nga naka-iskor og 19 ka sunod-sunod nga puntos nga maoy nakabiya sa Gilas Team.
Ang player nga si Kang Leeseul maoy nanguna sa South Korea nga nibuhi og 24 points, diin walo ka three-pointers, tulo ka rebounds, ug tulo ka steals. Para sa Pilipinas, si Kacey Dela Rosa iskor og 26 puntos, 9 rebounds, ug 3 blocks, samtang si Pontejos nakapuntos og 13.
Ang dula kontra sa South Korea ang ika-upat nga pildi sa Gilas Team sa maong tournament.
Photo Courtesy: SBP
