Nadakpan sa tracker team sa General Santos City Police Office Police Station 9 ang usa ka 34- anyos nga lalaki nga wanted sa kasong qualified theft niadtong nakalabay nga adlaw sa Purok Malipayon, Makar Extension, Barangay Apopong sa General Santos City.
Giila ang suspek sa alyas “Jet”, minyo ug self employed nga residente sa maong lugar. Nadakpan siya pinaagi sa warrant of arrest tungod sa kasong Qualified Theft ubos Article 310 of the Revised Penal Code.
Ang maong warrant gipagawas niadtong Marso 12, 2026 sa Regional Trial Court Branch 59, General Santos City, nga nagtakda og piyansa nga ₱40,000 alang sa temporaryong kagawasan sa suspek.
Sa pagkakaron, nagpabilin sa kustodiya sa Police Station 9 ang suspek samtang naghulat sa commitment order gikan sa korte alang sa tukmang disposisyon sa iyang kaso.
Photo Courtesy: RTW
