Viral karon sa social media ang usa ka babaye human nga giingong nagpakaaron-ingnon nga patay aron malikayan ang pagbayad sa iyang utang.
Base sa mga taho, namatay na matod pa ang maong babaye apan nasurprisa na lamang ang iyang mga na-utangan sa dihang ilang namatikdan nga nag-react gihapon kini sa ilang mga mensahe.
Daling mikaylap online ang maong istorya ug nakadani og nagkadaiyang reaksyon gikan sa mga netizen. Gani ang uban nalingaw ingon man ang pipila nagpahayag og pagkadismaya ug pagbatikos.
Kini nga insidente nagpahinumdom sa tanan nga dili angay likayan o limtan ang utang ug mas maayong bayaran aron malikayan ang problema ug mapadayon ang maayong relasyon ngadto sa uban labi na sa giutangan, ayaw kalimti nga siya ang nakasalbar panahon sa imong panginahanglan.
