Nasikop ang usa ka indibidwal sa Mati City, Davao Oriental, atol sa gipatuman nga law enforcement operation pinaagi sa mga operatiba sa CIDG-RFU11 ubos sa Oplan Paglalansag Omega niadtong Marso 17, 2026.
Ang operasyon giabagan sa mga personahe sa Davao Oriental PFU uban sa koordinasyon sa Mati City Police Station, Highway Patrol Group ug PIT nga miresulta sa pagkasikop ni alyas “Gel”.
Ang suspek nadakpan pinaagi sa pagpatuman sa Search Warrant No. 338-338-2026 nga giisyu sa RTC Branch 11, Mati City nga pinetsahan niadtong Marso 13, 2026. Narekober gikan sa dinakpan ang usa (1) ka kalibre .38 nga revolver nga adunay upat (4) ka buhing bala.
Sa kasamtangan ang suspetsado uban sa nakumpiskang mga ebidensiya anaa na sa kustodiya sa operating unit alang sa hustong dokumentasyon ug tukmang legal nga proseso.
