Mingbahad ang Iran nga mohimo kini og “decisive action” human giingong naigo sa Israeli strikes ang South Pars gas field, usa sa pinakadakong natural gas reserve sa kalibutan nga ginapahimuslan usab sa Iran ug Qatar, bisan pa sa taho sa Iranian media nga walay nasamdan.
Gihulagway sa Qatar ang insidente nga “dangerous ug irresponsible,” samtang wala pa motubag ang Israel.
Dugang pa, gikumpirma sa Iran nga napatay sa overnight strike si Esmail Khatib ug sa miaging adlaw usab napatay ang top security official nga si Ali Larijani, samtang nagpadayon ang opensiba sa Israel sa Beirut batok sa Hezbollah.
Nagpadayon usab ang retaliatory attacks sa Iran ug mga kaalyado niini sa tibuok Middle East diin duha ka tawo ang napatay sa Israel ug adunay mga pagbuto ug drone interceptions nga nataho sa United Arab Emirates, Qatar, Kuwait, Iraq, Bahrain, ug Saudi Arabia
Sa sayo pa, gigamit sa militar sa US ang bunker-busting bombs aron punteryahon ang Iranian missile sites sa Strait of Hormuz, nga naka block sa agianan sa lana.
Sa Iran, nagpuyo ang mga residente sa kahadlok, diin usa ka babaye mingbutya nga ang paggawas sa balay “daw sugal sa kinabuhi.”
Photo Courtesy: Business Today
