Personal nga natunol ni Gobernador Raul Mabanglo ang mga food packs ngadto sa kapin 4,000 ka pamilya sa Muslim communities sa Maco, Mabini, ug Pantukan niadtong Marso 17, 2026.
Atol sa maong programa, gipasabot sa opisyal nga andam ang Probinsyal nga Panggamhanan sa Davao de Oro ug abri kini alang sa suporta ug tabang para sa katawhan sa maong probinsya.
Matod ni Abeer Sarigayao, usa sa mga benepisyaryo, dako ang iyang pagpasalamat sa maong tabang nga nadawat. Labi na sa pagkaon, kini usa ka dakong tabang sa iyang pamilya tungod sa krisis sa pahanon nga naghatag ug kalisod sa ilang adlaw-adlaw nga panginabuhian.
Ang tumong sa maong kalihukan mao ang pagtabang sa mga nanginahanglan, ilabi na sa panahon sa Ramadan, aron masuportahan ang ilang Iftar ug Suhoor.
Pinaagi sa maong programa, ang mga benepisyaryo makasinati ug kagaan sa ilang pang adlaw-adlaw nga panginahanglan ug makapadayon sa pag-obserbar sa Ramadan nga walay kakulian.
Photo Courtesy:Provincial Government of Davao de Oro
