Kabsan sa kinabuhi ang usa ka 45-anyos nga lalaki human miambak sa hanging bridge pasado alas-8 sa gabii, Pebrero 25, 2026, didto sa Purok 12, Barangay Lumbayao, Valencia City.
Subay sa inisyal nga imbestigasyon, nasayran nga ang biktima (wala na hinganli) lumulupyo sa Barangay Managok, Malaybalay City mibisita sa iyang mga paryente sa Barangay Lumbayao ug gikaingong mangita og trabaho.
Giingong sa wala pa ang panghitabo, nanamilit pa ang biktima pinaagi sa pagsuwat sa papel, pagkahuman mipaingon sa nasangpit nga hanging bridge dala ang usa ka tie wire nga gikuha gikan sa hayhayan dayong mihimo pagkutlo sa iyang kinabuhi.
Sa pagkakaron, nagpadayon pa ang gihimong imbestigasyon sa Valencia City Police Station aron masuta ang lawom nga rason o motibo sa likod sa maong insidente.
Padayon karon nagpahimangno ang mga otoridad kung ikaw o adunay imong kaila nga nag-atubang og grabeng problema o emosyonal nga kalisod, importante ang pagpangayo og tabang gikan sa pamilya, higala, o mga propesyonal nga mahimong duolan.
Mohimong motawag sa National Center for Mental Health Crisis Hotline 1-5-5-3, National Landline o sa globe/TM subscriber pwede makatawag sa 0-9-1-7-8-9-9-8-7-27, ug 0-9-6-6-3-5-1-4-5-1-8 samtang sa Smart, Sun, Cellular, ug TNT subscribers, sa numero 0-9-0-8-6-3-9-26-7-2. Kini abli 24/7 aron mohatag psychological first aid or counseling para sa mga pasyenti o kadtong makasinati sa anxiety, depression or any mental health problems.
Photo Courtesy: CDRRMO VALENCIA CITY
