Nalumos sa kalisod ang kinabuhi sa kanhi sexy star nga si Josephine Manuel, nga karon napugos na lang manglimos aron makakaon. Sulod sa pito ka tuig sa showbiz, nakatrabaho niya ang dagkong ngalan sama nila Fernando Poe Jr., Lito Lapid ug Dante Varona.
Apan sa dihang mihunong ang mga proyekto, misugod usab ang iyang pagkalunod sa kalisod hangtod napuyo siya sa dalan. Gibutyag niya ang iyang istorya sa programang “Wish Ko Lang” ni Vicky Morales.
Sumala pa nga samtang 16-anyos pa lang si Josephine sa pagsulod niya sa showbiz isip ekstra, ug sa ulahi nahimong sexy star nga nakatambal sa mga action star sa iyang panahon. Apan bisan og dako ang kita kaniadto, wala siya’y natigom kay iyang gitabangan ang pamilya ug mga paryente.
Sa dihang nawagtangan na siyag trabaho, misalig siya sa iyang igsoon nga si Vilma ug nanarbaho siya isip kasambahay sulod sa 30 ka tuig. Sa pagkatigulang, nisamot ang kalisod sa pagpangita og amo hangtod mibalik siya sa dalan ug nanglimos, nga makatigom kuno og Php500 matag adlaw.
Duha ka beses na siyang na-rescue ug gidala sa shelter apan mibalik gihapon sa karsada tungod sa wala matuman nga saad nga panginabuhian. Tungod sa tabang sa USA ka programa sa dakong Network nadala pag-usab si Josephine sa usa ka shelter sa Cebu aron matabangan sa pagbangon sa iyang kinabuhi.
Photo Courtesy: PEP.PH
