Gipahigayon sa mga personahe sa Coast Guard Sub-Station Banaybanay, uban sa pakig-alayon sa Municipal Agriculture Office (MAO) ug Philippine Crop Insurance Corporation (PCIC) ang One-Stop Shop registration ug licensing activity alang sa mga municipal fishing boats ug fishing gears sa Barangay Puntalinao, Banaybanay, Davao Oriental, niadtong nakalabay nga adlaw.
Tumong sa maong kalihokan aron sa paghatag ug mas sayon ug accessible nga serbisyo sa gobyerno direkta ngadto sa mga mananagat ingon man sa pagpahapsay sa proseso sa pagrehistro, pagsiguro sa pagsunod sa mga kasamtangang balaod ug regulasyon sa pangisda.
Gani, kini nga inisyatiba nagpalig-on sa paningkamot sa lokal nga panggamhanan ug partner agencies aron masiguro nga organisado ug luwas ang tanang mga nagsunod sa balaod.
Gipalig-on usab sa maong kalihokan ang kolaborasyon sa nagkalain-laing ahensya sa pagpasiugda sa malungtarong pamaagi sa pagpangisda, husto nga legal nga dokumentasyon ug pagpalambo sa kahibalo alang sa kaluwasan sa publiko.
