Uli sa Pilipinas ug atubanga ang mga kaso. Mao kini ang hagit sa National Bureau of Investigation (NBI) batok kang kanhi Presidential Spokesperson Atty. Harry Roque nga dul-an usa katuig nga wala na niuli sa atong nasud sa Pilipinas.
Gihagit ni NBI Director Melvin Matibag si Roque nga atubangon na ang mga kaso niini. Sa wala pa, nibwelta si Roque mahitungod sa pagpili ni Presidente Ferdinand Marcos ngadto kang Matibag nga matud pa usa ka premyo sa pagsang-at og disbarment case batok kaniya.
Samtang segon sab ni Matibag, nga usa sa tututukan nila karon ang pagtapos sa pagkatag sa fake news.
Nag-atubang si Roque sa kasong qualified human trafficking tungod sa pagkalambigit niini sa iligal nga POGO hub.
Photo Courtesy: Philippine News Agency
