Gihingugsgan sa Department of Agriculture (DA) ang ilang monitoring ug suporta sa mga mag-uuma og sibuyas sa rehiyon. Subay kini sa direktiba ni Francisco Tiu Laurel Jr. nga bantayan ang presyo sa sibuyas ug masiguro ang kaayohan a mga mag-uuma sa Occidental Mindoro.
Pinaagi sa mugnaon nga Task Force Sibuyas, ipaubos sa pagmonitor sa grupo ang farmgate price sa sibuyas sa lalawigan. Base sa labing ulahi nga datos buhatan, ang farmgate price sa “sadyokan,” o usa sa mga variety sa sibuyas, anaa sa ₱30 hangtud ₱45 ang matag kilo niadtong nilabay nga semana.
Hinuon, wala pa’y gipagawas nga direktiba alang sa price ceiling sa sibuyas samtang giila sab sa buhatan ang peligro sa mga mag-uuma sa posibleng pag-ubos sa presyo sa panahon sa ting-ani. Subay niini, magpatuman ang DA-MIMAROPA og mga interbensiyon nga makatabang sa pagpaubos sa gasto sa produksyon ug maumentohan ang halin sa mga mag-uuma.
Lakip niini ang paghatag og production inputs sama sa dekalidad na liso, abuno, ug uban pa nga farm support, ug pagpapalapad sa market linkages tali sa mga mag-uuma ug institutional buyers.
Samtang, makigkoordinar sa ang buhatan sa mga lokal nga kagamhanan, sa mga consumer, ug uban pa nga mga stakeholders aron mapabilin nga husto ang proseso sa Negosyo, mapalig-on sab ang koneksyon sa mercado ug mapanalipdan ang interes ug panginabuhi sa mga mag-uuma.
Photo Courtesy: Business World
