Dakpan ang usa ka suspetsado sa ilegal nga droga sa mga personahe sa Nabunturan Municipal Police Station (MPS) atol sa buy-bust operation nga gipahigayon niadtong nakalabay nga adlaw sa Purok 5, Barangay Ogao, Nabunturan, Davao de Oro.
Ang operasyon ubos sa direktang pagdumala ni PLTCOL GOMERSENDO L DIWATA II, Chief of Police. Ang maong operasyon gihimo ubos sa PDEA Coordination Control No. 12-00-02162026-021.
Ang dinakpan naila sa alyas “Pare,” 39-anyos, minyo, drone operator sa Marshman, ug residente sa Purok 5, Barangay Ogao, Nabunturan, Davao de Oro. Narekober sa maong operasyon ang mosunod nga mga ebidensya: Buy-bust money, mga heat-sealed transparent plastic sachets nga adunay sulod nga puti nga kristal nga substansiya nga ginatuohang shabu.
Ang nadakpan nga suspetsado ug ang mga nakumpiskar nga ebidensya anaa karon sa kustodiya sa Nabunturan MPS alang sa hustong dokumentasyon ug disposisyon. Giandam na ang pagsaka og kaso batok sa suspetsado tungod sa paglapas sa Republic Act 9165 pinaagi sa inquest procedure.
Ang Nabunturan MPS nagpadayon sa pagpalig-on sa kampanya batok sa ilegal nga droga ug nag-awhag sa publiko nga magtinabangay sa kapulisan aron mapadayon ang kalinaw ug kahusay sa komunidad.
Photo Courtesy: Prison Fellowship
