Nagpasidaan si Taiwanese President Lai Ching-te sa mga nasod sa Indo-Pacific Region nga mahimong sunod nga target sa China kung ugaling masakop ang ilang teritoryo.
Sa usa ka interview sa Presidential Office Building sa Taipei, matod ni Lai nga kung mahimong annex sa China ang Taiwan, dili mohunong niini ang pagpalapad pa sa mga ambisyon sa China.
Gipadayag ni Lai nga ang sunod nga mga nasod nga mahimong mameligro ang Japan, Pilipinas ug uban pang nasod sa rehiyon, nga mahimong molapad pa ang epekto sa Americas ug Europe.
Bag-ohay lang usab matod pa gipangtangtang ang mga Chinese generals gikan sa militar sa China, nga usa ka dili kasagaran nga sitwasyon. Bisan pa niini, dili matandog ang Taiwan ug padayon sa ilang pagpangandam.
Kahinumdoman, una nang nagpasidaan si Chinese President Xi Jinping sa Amerika batok sa pagbaligya og mga armas sa Taiwan apan dugang ni Lai nga mobarog ang US sa Taiwan ug dili kini gamiton nga “bargaining chip” sa China.
Photo courtesy: The Japan Times
