Plantsado na sa Simbahan ug civil society groups ang pagpahigayon sa ikatulo nga Trillion Peso March sa EDSA Shrine. Ipahigyaon nila kini atol sa ika-40 nga anibersaryo sa EDSA People Power Revolution karong Pebrero 25.
Matod sa mga organizers nga gilangkuban sa Caritas Philippines, Buhay ang People Power Campaign Network (BAPP) ug Simbahan at Komunidad Laban sa Katiwalian, nakasentro ang kalihokan sa pagsaulog sa kagahapon, paglihok sa karon, ug pagplano alang sa kaugmaon.
Gipahayag ni Caritas Executive Director Fr. Tito Caluag nga tungod sa mga nahitabong anomaliya sa flood control, nabuhi pag-usab ang civil responsibility sa katawhan.
Giawhag nila ang publiko nga makigbahin sa nahisgutang kalihokan.
Photo courtesy: Rappler
